Hvað er hægt að gera með frjálsum hugbúnaði? Því er stimplað inn í huga okkar sem dæmi að við notum photoshop til að laga ljósmyndir en vitum ekkert af ókeypis ljósmyndaforritinu Gimp. En hvað er hægt að gera með frjálsum hugbúnaði? Er frjáls hugbúnaður hentugur fyrir fyrirtæki?
Nú þegar fyrirtæki eins og Microsoft og Adobe farin að selja sína vörur með áskriftaleið þá eru fyrirtæki og einstaklingar farin að skoða hvort það séu ekki til aðrir valkostir. Einn kostur sem hægt er reyna til að ná aukinni hagræðingu er að færa tölvubúnað úr dýrum leyfisskyldum hugbúnaði yfir í frjálsan (ókeypis) og opinn hugbúnað.
Þegar ég kynni kosti frjáls hugbúnaðar fyrir skólum, stofnunum eða fólki af götunni mæta mér oftar en ekki eftirfarandi svör.
Frjáls hugbúnaður á ekki alveg við okkur þar sem flestir í okkar umhverfi eru ekki í neinni aðstöðu að fá að velja þann hugbúnað sem við notum eða hafa einhver áhrif á val forrita sem í boði eru.